The full text of this tract is shown below. (Do you want to print this tract in a different version than the one listed? Contact us and let us know what you're looking for—we may be able to create the alternate version for you at no charge.)

E mafai pefea o fakaolagina koe?

Sea te uiga ote fakaolataga?

Mafaufau ake kise tino ne fano o koukou ite moana poko kae malemu. Kae lavea ne ia te tino kae kalaga ke vau o fakasao a ia. Ne tele mai te tino tena puke ake ne ia a ia o ave ki uta. Ate tino tena ne fakasao ne ia a ia moa e malemu.

Me mafaufau ake se tino e nofo iloto ite fale e kaa ite afi, ne lavea ne ia te tino taa afi e vau kia ia, kae kalaga atu a ia kite tino taa afi kise fesoasoani. Ne puke ake nete tino taa afi tenei a ia kae puke ki tua mote koga kaa tenei. Te tino taa afi tenei ne fakaola ne ia a ia.

E pena foki te Atua, ne fakatoka ne ia te fakaola, ko Iesu Keliso, ko ia tela e mafai ne ia o fakaola sose tino agasala tela e talitonu kia ia. Me pefea tou masei, e mafai ne ia o fakasao koe.

• Ioane.3:16 “mene pena eiloa o alofa mai te Atua kite lalolagi, ne tuku mai ei ne ia tena tama e tokotasi, kote mea kese malaia sose tino e fakatuanaki kia ia ka eke maua ne ia te ola ese gatamai”

Kaia e tau ei koe ke fakaolagina?

Ona kote see fakalogo tatou kite Atua, tela ko mavae ei koe mote Atua. Te mavae tenei kote see mafai ne koe o nofo mo ia tela kote pogai o mea lei katoa (Iakopo.1:17). E fakauiga foki kite fakasalaga se gatamai ona kote agasala.

• Loma.3:23 “me I tino ko agasala katoa kako mao mai te ‘malu ote Atua”
• Loma.6:23 “ka kote togi ote agasala kote mate”
• Epelu.9:27 “tatou e mate taki fakatasi, kae mai tua kote fakamasinoga”
• Fakaasiga.20:15 “sose tino ese tusi tena igoa ite tusi ote ola, e pei ki loto ite lase ka ulaula

Nea a mea ate Fakaola ko Iesu Keliso ne fai?

Iesu Keliso ne fai mo “Fakaola” o sose tino agasala (e aofia iei a koe mo au) ite vauga a ia kite lalolagi nei o mate a ia ite sataulo mo tou agasala. Ne fakatuu ake nete Atua a ia mai te mate, kae nei ko nofo ite feitu fakaatamai ote Atua ite lagi (Epelu.1:3)

• Loma.5:8 “Ne fakaasi mai te alofa ote Atua mo tatou ite taimi koi agasala iei tatou, ne mate Keliso mo tou agasala”
• 1 Kolinito.15:3-4 “Iesu ne mate mo tou agasala…ne tanu, kae toetu ake ite tolu o aso”
• 1 Pet.3:18 “me ia Keliso ne mate mo koutou; ne mate fakatasi mo agasala kato a tino, kote tagata amiotonu mo tino masei, kote mea ke takitaki ei koutou kite Atua”

E mafai pefea koe o fakaolagina?

Te auala e mafai ei koe o fakaolagina mai au agasala (mo tena fakasalaga), kote fuli kite Atua ite loto salamo kae tuku tou talitonu katoa kia Iesu. Te salamo kote iloa ne koe me ia koe ko mai lalo ite fakasalaga e pela mote tino ne malemu. Te tuku tou fakatuanaki ite Aliki Iesu tou Fakaola kote talitonu katoa koe mene togi ne ia koe kote mea ke fakamagalogina koe I tena mate iluga ite sataulo (1 Petelu.2:24). Te Aliki Iesu ka fakaola ne ia koe ite taimi ko tuku tou talitonu kia ia.

Ese ko au galuega lei, io mese mea ake e mafai o fakaolagina koe. E tasi pau loa te auala kote talitonu koe kia ia kote mea ke fakasao ne ia koe.

• Efeso.2:8-9 “Ne fakaolagina tatou ite alofa tauanoa ote Atua ite fakatuanaki; e sese mea ne fai ne tatou kae se mealofa eiloa ate Atua, tela ese tau mo koe o fakamatamata mese ko fua o au galuega”
• Ioane.5:24 “Au e muna tonu atu kia koutou, kote tino e fakalogo mai ki taku muna, kae talitonu kia ia tela ne uga mai ne ia au, ko ia ia te ola ese gatamai, ese oko foki a ia kite fakamasinoga, kako sao mai a ia mai te mate kite ola”
• Loma.10:9-10 “Ite mea kafai e folafola atu ne koe I ou laugutu Iesu kote Aliki, kae talitonu foki koe I tou loto me ite Atua ne ana fakatugina a ia mai tino mate, ka fakaolagina koe. Me e talitonu te tino mai tona loto, tela la, ko takuamiotonugina a ia, kae kafai e molimau foki ona laugutu, e fakaolagina a ia”

Back to top of page