The full text of this tract is shown below. (Do you want to print this tract in a different version than the one listed? Contact us and let us know what you're looking for—we may be able to create the alternate version for you at no charge.)

Yu bilip long heven o long hel paia? Yu bai go long wanem ples?

Planti manmeri i bilip olsem yu mas kamap gutpela man o mekim gutpela pasin bilong go long heven. Yu ting wanem?

Larim yumi painim aut. Larim yumi lukluk long tenpela lo bilong God. Sapos yu bihainim tenpela lo olgeta, yu gutpela. Tasol sapos yu brukim wanpela lo, yu gat asua long ol narapela.

• Yu bin giaman tu?
• Yu bin stilim sampela samting tu?
• Yu bin sakim tok bilong papa na mama tu?
• Yu mangalim ol samting bilong narapela tu?
  Sapos yu mangalim narapela, yu mekim pasin pamuk insait long bel bilong yu.
• Yu bin kilim man tu? Sapos yu tok nogut long brata bilong yu na tok “longlong” taim em i nogat asua, yu bagarapim bel bilong em pinis.

Yumi lukluk long sampela lo bilong God. Yu bihainim gut olgeta? Yu bihainim lo o yu brukim lo? Yu laik go long heven o long hel paia?

Baibel i tok, “...olgeta i bin mekim sin, na kamap sot long glori bilong God” – Rom 3:23

Baibel i tok, “Pe bilong sin em dai.” – Rom 6:23

Baibel i tok, “Na olsem God i bin makim long ol man i mas dai wanpela taim, tasol bihain long dispela i gat kot” – Hibru 9:27

• Sapos yu brukim lo pinis, bai yu tok wanem long kot bilong God?

Planti manmeri i bilip olsem God bai lusim rong bilong ol taim ol askim God long lusim rong bilong ol.

Dispela i no inap wok! Mi givim yu wanpela tok piksa.

• Sapos wanpela man i brukim bank na em askim jus long lusim rong bilong em tasol, jus bai i tok, “Yu go long kalabus o yu mas peim kompensasen.”

Planti manmeri i bilip olsem God bai lusim rong bilong ol taim ol i tokaut long sin bilong ol. Mi givim yu narapela tok piksa nau.

• Dispela i no inap wok! Sapos man i brukim bank, tasol man tokaut long jus, "Jus mi tok sori olsem mi bin stilim moni bilong bank." Jus bai i tok, "Go long kalabus o peim kompensasen."

Planti manmeri i bilip God bai lusim rong bilong ol taim ol lusim pasin nogut.

Dispela i no inap wok! Taim stilman tok, “Jus, mi brukim bank, tasol nau mi lusim dispela pasin.” Jus bai i tok, “Yu go long kalabus o peim kompensasen.”

Dispela em i gutpela tok bilong God.

Yu na mi i gat pe bilong sin.

God em i spirit. Em i kam long graun olsem man – Jisas Kraist.

Em i baim bek yu na mi long blut bilong em.

Baibel i tok long 1 Korin 15:1-4:

• Na moa tu, ol brata, mi tokaut i go long yupela long dispela gutnius mi bin autim long yupela, dispela tu yupela i bin kisim, na we yupela i sanap long en.
• Long dispela tu God i kisim bek yupela, sapos yupela i holimpas long tingting wanem samting mi autim long yupela, sapos yupela i no bin bilip nating.
• Long wanem, mi givim long yupela pastaim bilong olgeta dispela samting mi tu i bin kisim, long Kraist i bin dai olsem wanem long ol sin bilong yumi bilong bihainim ol rait bilong God.
• Na long ol i planim Em, na long Em i kirap bek gen long namba tri de bilong bihainim ol tok bilong God.

Bihain long Em i dai, Em i tok, “Em i pinis!”

Olgeta samting yu na mi i nidim go long heven em i pinis.

Olgeta samting God i askim yumi long mekim em long bilip tasol long wok Bikpela i bin mekim long diwai kros.

Baibel i tok long Efesas 2:8-9:

• Long wanem, long marimari God i kisim bek yupela long wok bilong bilip tru. Na dispela i no kam long yupela yet, em i presen bilong God.
• I no long ol wok, nogut wanpela man i ken liptimapim nating em yet.

Yumi mas bilip tru long blut bilong Em.

Wanem taim bai yu kisim fri presen bilong lusim ol rong bilong yu na laip i stap gut oltaim oltaim?

Baibel i tok long Rom 10:9:

• Long sapos yu tok yes wantaim maus bilong yu long Jisas em i Bikpela, na yu bai bilip long bel bilong yu long God i bin kirapim Em long dai, orait God bai kisim bek yu.

Baibel i tok, “Long wanem, husat man bai singaut long nem bilong Bikpela, God bai kisim bek em.”

Yu bilip? Yu ken beten nau.

Beten olsem

God, mi wanpela sinman. Mi nidim yu long lusim sin bilong mi. Mi putim bilip long Jisas Kraist. Em i dai na kapsaitim blut bilong Em na dai long sin bilong mi. Mi tok sori long sin bilong mi na mi singautim Jisas long kam insait long bel bilong mi na kisim bek mi.

Sapos yu putim bilip long Jisas Kraist yu statim nupela laip wantaim Em. Sapos yu laik bihainim God yu mas:

1. Ritim Baibel bilong yu olgeta wan wan de.
2. Beten olgeta wan wan de.
3. Painim wanpela sios husat bai skulim yu long baptais na stap ananit long Baibel.
4. Autim dispela gutnius long ol narapela.

Back to top of page