“Ang Dios kahayag, ug diha kaniya wala gayoy kangitngit.” (1 Juan 1:5)
Unsa ang imong mahunahuna-an kung maghisgot bahin sa Dios? Siya ba puno sa gugma o puno sa kasuko? Siya ba aktibo nga nagapakabana sa Iyang mga binuhat o iya na ba kitang gibiyaan aron mag-inusara? Siya ba nagabuhat ug maayo o malimbongon? O gipili ba nimo nga dili maghunahuna bahin sa Dios?
Sa tibuok Bibliya, daghan ang mga paghulagway bahin sa Dios. Atong masabtan kung kinsa Siya pinaagi sa pag-ila sa Iyang +mga kinaiya. Ang pipila sa mga kinaiya Niya mao ang:
Usa ka simbolo nga gigamit sa Bibliya aron mahulagway ang Dios mao ang kahayag. Kung ikompara sa kangitngit, ang Dios masabtan isip kahayag. Ang hingpit nga mga kinaiya sa Dios nagasidlak ngadto sa Iyang mga binuhat. Siya hingpit nga balaan, hingpit nga matarung, hingpit nga putli, ug hingpit nga maayo.
Tungod kay ang Dios kahayag, walay kangitngit diha Kaniya. Siya hingpit nga balaan, nga walay sala. Ang tanan tawo nadaot sa sala, dili sama sa Dios. "Ang tanan nakasala, ug nakabsan sa himaya sa Dios" (Roma 3:23).
Sa natural, kita naglakaw sa kangitngit imbis sa kahayag. Ganahan kita magpakasala. Kung adunay manghilabot kanato, ganahan ta nga mubati ug kasuko kanila. Kanunay kita mutan-aw sa butang sa uban nga adunay kasina. Dagko kaayo kita’g mga garbo, ug nagtuo nga mas labaw kita kay sa uban. Ganahan kita sa pagsupak sa balaod sama sa pagpadagan ug sakyanan nga molapas sa speed limit. Kitang tanan nagpakasala batok sa Dios ug tungod niini, kita manubag sa mga silot sa sala.
Aron ang Dios magpabiling hingpit nga balaan, matarung, putli, ug maayo, kinahanglan Niya nga silotan ang tanan sala. Ky kon dili, Siya dili makapabiling hingpit nga kahayag. Tungod kay Siya kahayag, dili Niya itugot nga magpadayon ang kangitngit. Tungod kay kita tanan makasasala, kita ang angayan sa kapungot sa Dios batok sa sala.
Apan ang Dios usab gugma! "Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak, aron ang tanan nga motuo kaniya dili malaglag kondili makabaton sa kinabuhing walay kataposan" (Juan 3:16). Dili mabaliwala sa Dios ang sala, apan tungod sa Iyang gugma dili Niya gusto nga kita silotan. Mao kini ang hinungdan nga iyang gipadala ang Iyang Anak, si Jesu-Cristo, aron mag-antos alang sa atong mga silot ug dawaton ang sala sa kalibutan!
Si Jesus mismo miingon, "Ako ang kahayag sa kalibutan: siya nga nagsunod Kanako dili maglakaw sa kangitngit, kondili makabaton sa kahayag sa kinabuhi" (Juan 8:12). Ang tanan nga moduol sa Dios ug mutuo kaniya mahimong kabahin sa Iyang kahayag. Dili na sila mahadlok sa silot sa sala, apan adunay bag-ong kinabuhi nga maglakaw sa kahayag sa Dios!
Kon nasayod ka nga ang paglakaw diha sa kangitngit ug ang paghigugma sa sala sayop, duol kang Jesu-Cristo ug batoni ang bag-ong kinabuhi diha kaniya! Siya ang kahayag sa kalibutan ug gusto Niya nga kita magkinabuhi sumala sa Iyang kahayag. Ang pagduol kaniya nagpasabot nga kinahanglan natong usbon ang atong panghunahuna bahin sa sala, ug nakauyon sa Dios nga "Kitang tanan sama sa mga karnero nga nangasaag; ang matag usa kanato misimang ngadto sa iyang kaugalingon nga dalan" (Isaias 53:6). Kinahanglan nato pilion ang paglakaw diha sa pagtuo kang Cristo Jesus ug sa Iyang gibayad sa krus alang sa atong sala. "Kon kita maglakaw sa kahayag, ingon nga Siya anaa sa kahayag, kita adunay panaghiusa sa usag usa, ug ang dugo ni Jesu-Cristo nga Iyang Anak nagahinlo kanato gikan sa tanan nga sala" (1 Juan 1:7).
Bisan pa kita magpadayon sa pakigbatok sa sala sa atong kinabuhi, kadtong nagpili nga usabon ang ilang paghigugma sa sala ngadto paghigugma sa Dios makakabaton ug kaluwasan gikan sa ilang mga sala diha Kaniya! "Apan kon isugid nato sa Dios ang atong mga sala, Siya nga matarong ug matinumanon sa Iyang saad mopasaylo gayod sa tanan natong mga sala ug maghinlo sa tanan natong mga kalapasan." (1 Juan 1:9). Duol kang Jesus, pangitaa ang pagpasaylo gikan sa imong mga sala, ug paglakaw diha sa Iyang kahayag!